1/14 Сентября

Собор Пресвятой Богородицы в Миасинской Обители (864)

Тропарь Божией Матери ради собора Ея в Миасинской обители, глас 1

Радуйся, обрадованная Богородице Дево/, пристанище и предстательство рода человеческого,/из Тебе бо воплотися Избавитель мира:/едина бо еси Мати и Дева, присноблагослвенная и препрославленная./ Моли Христа Бога /мир  даровати всей вселенней.

Кондак Миасинской иконе Божией Матери глас 6

Яко звезду многосветлую, Пречистая,/обрете Святитель Акакий икону Твою,/созывая вси концы земли в обитель Миасинскую днесь./Темже и мы с ними вопием:/ О,Предстательнице наша и Заступнице,/моли из Тебе Воплощеннaго Христа Бога нашего,/ благодтию и подвигами древих святых возгаратися нам,/согревая сердца наша пламенем любви ко Христу/ и спаси нас во времена последняя.

МОЛИТВА ПРЕД ИКОНОЮ БОЖИЕЙ МАТЕРИ, ИМЕНУЕМОЙ МИАСИНСКАЯ

      О, Пресвятая Госпоже, Владычице Богородице! Крепкая наша Заступнице  и непостыдная  Предстательнице! Припадаем и покланяемся Тебе пред святою иконою Твоею, юже от лет древних многими чудесы и неисчетными исцеленьми прославити благоизволила еси. Ты едина еси радости нашея Ходатаице и родa человеческaго  Покровительнице. Услыши убо и нас, пред иконою Твоею молящихся и простри Богоноснии  руце Твои к возлюбленному Сыну Твоему и Богу нашему, и якоже древле в обители Миасинской великие щедроты и милость Твою являла еси, сице и нам ныне яви! Молитву теплую о нас ко Господу сотвори, Веру Православную утверди,  Церковь умалению не предаждь, уставы святых отец на веки непоколебимы сохрани и всех, к Тебе притекающих, от рова погибельнаго спаси. Избави нас от скорби и печали, настави на путь всякия добродетели и благостыни, спаси от искушений,  в семействах наших мир утверди, болящия уврачуй, скорбящия утеши, бедствующим помози, сущим в нужде и гладе буди питательница, не имущим крова и пристанища буди покров и прибежище, обидимым и неправедно гонимым заступление. О, Госпоже, Царице Богородице! Не престани молящи, Егоже родила еси, да дарует нам прощение многих согрешений наших, да вси мы, благодарно Тя воспевающи, сподобимся Небеснаго Царствия и тамо со всеми святыми да славим пречестное и великолепое имя Отца и Сына и Святаго Духа ныне и присно, и  во веки веков. Аминь 

Пресвятая Богородице, спаси нас!