Акафист Св. Мч. Фанурию

Кондак 1

Избранный воине Христов, смертию страдальческою от смерти вечныя избавивыйся и жизни вечныя приобщивыйся, похвальное пение приносим ти, добропобедне Фанурие, всечестную память твою празднующе. Ты же, теплый молитвенниче наш, услыши моления наша и вознеси я ко Господу, да милостив будет к нам и спасет нас от погибели вечныя, вопиющих ти: Радуйся, мучениче Фанурие, преславный чудотворче.

Икос 1

Ангелов Творец и Господь сил яви тя, славне Фанурие, Церкви Своей мученика тверда и веры поборника. Мы же, подвиги страданий твоих восхваляя, ихже за веру Христову мужественне претерпел еси, воспеваем ти сице: Радуйся, Господа Иисуса всем сердцем возлюбивый. Радуйся, до конца Ему верный пребывый. Радуйся, любве ради ко Господу живота своего не пощадивый. Радуйся, за имя Его душу свою положивый. Радуйся, Христа, истиннаго Бога, исповедниче. Радуйся, неустрашимый Христов воине и подвижниче. Радуйся, мучениче Фанурие, преславный чудотворче.

На этой фотографии: