|
Размещено 17:29 27/04/2011
|
|
Канон Пресвятой Богородице в честь иконы Ее Донской
![](http://pravznak.msk.ru/uploads_user/3000/2500/80377.jpg)
Празднование 19 августа/ 1 сентября
Тропарь, глас 4-й
Всепетая и всеславная Царице Богородице, Мати всея Твари Содетеля, христианская надеждо и заступнице, ненадеющимся и отчаявшимся скорое надеяние, молим Тя: милостива буди нам, грешным, не остави раб Твоих и не отрини моления недостойных. Молимся, взирающе ко образу Твоему честному святыя и чудотворныя иконы Твоея и вопиюще: с плавающими и путешествующими да пребудет милость Твоя. О Владычице, ризою Твоею честною защити, и во всяких местех злых верныя соблюди, и молися к Рождшемуся из Тебе Христу Богу нашему, да спасет от грех души наша (дважды).
Канон, глас 4-й
Песнь 1
Ирмос: Отверзу уста моя, и наполнятся Духа, и слово отрыгну Царице Матери, и явлюся, светло торжествуя, и воспою, радуяся, Тоя чудеса.
Припев: Пресвятая Госпоже Богородице, услыши молитву раб Своих, молящихся Тебе.
Откуду начну похвалы или кое положу начало нынешняго песнопения Царице Матери? Недоумением содержуся, обаче, языку умолкшу, вся кости моя рекут Тоя преславная чудеса.
Пресвятая Госпоже Богородице, услыши молитву раб Своих, молящихся Тебе.
Милосердия ради Бог Человек бывает, Имже и преестественная вся содеяшася; тем, Дево, и наше приими с любовию приносимое песнопение, воспевающих Твоя преславная чудеса.
Слава: Гряди к славословию, небо, и радуйся, земле, свет бо велий возсия на вы от лица Матере Господни, освящаяй и просвещаяй всю тварь преславными чудесы.
И ныне: Собираются пред иконою Твоею, Богородице, чинове святых невидимо, предстоят же и ангельская вся воинства, трепетно благоговеюще. Приими же с ними и нас, воспевающих радостно чудеса Твоя.
Песнь 3
Ирмос: Твоя песнословцы, Богородице, живый и независтный источниче, лик себе совокупльшия, духовно утверди, в Божественней Твоей славе, венцев славы сподоби.
Пресвятая Госпоже Богородице, услыши молитву раб Своих, молящихся Тебе.
Из начала великая о Тебе прообразоваше и в последняя преславная совершаше от всех родов предызбравый в Матерь Себе Тебе Владыка, Чистая.
Пресвятая Госпоже Богородице, услыши молитву раб Своих, молящихся Тебе.
Синайская гора, огнепалимая иногда, и разделяющияся воды Чермнаго моря, егда наставляхуся людие, супостатом потопляемым, точию быша проображение, Чистая, чудес Твоих.
Слава: Пламенем купины в Синаи и росою пещи халдейсткия Девы рождество прообразивый, из Неяже воплотитися благоизволи, спасаяй тварь премудростию, Иисусе, и закон и пророки исполняя.
И ныне: Радуйся, храме Господень, радуйся, кивоте, радуйся, стамно, радуйся, горо приосененная, радуйся, лествице и двере небесная, пророки проповеданная, и всея святыни вместилище и носило, Пречистая.
Господи, помилуй (трижды). Слава, и ныне.
Ипакои, глас 8-й
Блажим Тя, вси роди, Богородице Дево, в Тя бо невместимый Христос Бог наш вместитися благоволи. Блажени есмы и мы, предстательство Тя имуще, день бо и нощь молишися о нас, и роди христианстии Твоими молитвами утверждаются. Тем, воспевающе, вопием Ти: радуйся, Благодатная, Господь с Тобою.
Песнь 4
Ирмос: Седяй в славе на Престоле Божества во облаце легце, прииде Иисус Пребожественный нетленною дланию и спасе зовущия: слава, Христе, силе Твоей.
Пресвятая Госпоже Богородице, услыши молитву раб Своих, молящихся Тебе.
Седяй на Престоле славы Царствия Твоего, Царю высокий, от смиреннаго естества земнородных престол свят Себе предуготовал еси, утробу Девы Матере. Слава неизреченному Твоему совету.
Пресвятая Госпоже Богородице, услыши молитву раб Своих, молящихся Тебе.
Превознесеннаго именем паче всякаго имене, Егоже всяк язык исповедает, Божию Силу и Премудрость, Единороднаго Сына в славе Бога Отца, Дево, плотию родила еси, Бога и Человека.
Слава: Смирившаго Себе даже до рабия образа послушанием Богу Отцу и даже до страстей и Креста преклонившагося, Того за ны смотрению, о Дево, и непостижимым тайнам послужила еси.
И ныне: Дает Тебе преестественная, Богородице, Иже паче естества Сын Твой, рождеством бо Твоим от тли яко воззва человечество, и ныне Тобою призывает люди отриновенныя, во язык избранный и именитый по всей земли.
Песнь 5
Ирмос: Ужасошася всяческая о Божественней славе Твоей: Ты бо, неискусобрачная Дево, имела еси во утробе над всеми Бога и родила еси безлетнаго Сына, всем воспевающим Тя мир подавающая.
Пресвятая Госпоже Богородице, услыши молитву раб Своих, молящихся Тебе.
Блаженно чрево, носившее Тя, Спасе, и честнейшая воистинну сосца, воздоившая Тя, нас ради младенствовавшаго. Темже молим Тя: слышащим слово Твое и хранящим е блаженство уготови безконечное Рождшия Тя молитвами.
Пресвятая Госпоже Богородице, услыши молитву раб Своих, молящихся Тебе.
Марие Преблагословенная, благую истинно часть избрала еси и едина Благодатная явилася еси. В Тебе Отец благоволи, Слово всевиновное в Тя вселися, и Дух осени Святый, пребываеши нетленная и нам, любовию поющим Тя, спасение подавающая.
Слава: Единородный Сын Божий, снизшедый на землю за человеколюбие избавити человечество, единое на земли покоище обрет Тя, Чистую и Пренепорочную, вселитися и жити в Тебе благоволи, освятив, украсив и прославив. И нас ходатайствы Твоими храмы чистыя Тому, Богородице, соделай.
И ныне: Храме всеосвященный Бога нашего, в храме Твоем ныне торжествующая, Богоневесто, с высоты призри и осени Божественною иконою Твоею, верою кланяющияся ей освящающи: с нею бо Твоя благодать во веки пребывает, спасительная всем подающи.
Песнь 6
Ирмос: Божественное сие и всечестное совершающе празднество, богомудрии, Богоматере, приидите, руками восплещим, от Нея рождшагося Бога славим.
Пресвятая Госпоже Богородице, услыши молитву раб Своих, молящихся Тебе. Праздник празднуем, празднолюбцы, Девы и Богоматере, благодаряще за велие милосердие Ея, и в нас действуемая преславная чудеса прославим.
Пресвятая Госпоже Богородице, услыши молитву раб Своих, молящихся Тебе.
Благодарственная приносим Тебе, Дево, и молимся: да не оскудеет вера чтущих Тя, и да не похвалятся врази, глаголюще: где есть Бог их? Твоя бо чудесная икона и всесвятая помощь с нами есть.
Слава: Устнами воспеваем Тя, умом же и языком моление приносим и сердца с колены преклоняем пред чудотворным образом Твоим, Пречистая, да милость Твою низпослеши на град и люди Твоя.
И ныне: Ты еси пророков главизна, Ты еси святых похвала, Богоотроковице, и всех христиан упование, к Тебе прибегающе, спасаемся, уповающе же, не посрамимся, Тобою бо хвалится, Богородице, всякое дыхание.
Господи, помилуй (трижды). Слава, и ныне.
Кондак, глас 2-й
В небесныя обители преселившаяся с плотию, сущия на земли никакоже оставила еси, Богородице, образ Божественный и многочудесный пречистаго лица Твоего зрети любящим Тя и покланятися даровала еси, яко знамение Твоея благодати, чтим его лобызающе.
Икос
Являющи человеком Пречистая неизглаголаннаго Своего милосердия сокровище, любящим Ю независтныя дары подавает, благословение, и молитвы, и мир, всяк ум превосходящий. И еже преславное от пречистыя Своея иконы, яко от источника, источает миру оставления воды, в Божественнейшем Ея храме. Тамо бо очи Ея отверсте день и нощь и уши, внемлющии молитве всех. Сего ради покланяемся сей всечестней иконе и чтим ю, лобызающе.
Песнь 7
Ирмос: Не послужиша твари Богомудрии паче Создавшаго, но огненное прещение мужески поправше, радовахуся поюще: препетый отцев Господь и Бог, благословен еси.
Пресвятая Госпоже Богородице, услыши молитву раб Своих, молящихся Тебе.
Тварь вся празднует, и стихии Тебе повинуются, Матери всяческих Содетеля, радуются Ангели в Божественнем торжестве Твоем, мы же из Тебе Рождшемуся зовем: препетый отцев Боже, благословен еси.
Пресвятая Госпоже Богородице, услыши молитву раб Своих, молящихся Тебе.
Дивная чудеса, Благая, слышана сотворила еси по всей земли, мы же, благолепие красоты Твоея от Сиона зряще, доброте дивимся и из Тебе Рождшемуся зовем: препетый Боже, благословен еси.
Слава: Монашествующих собори наставницу Тя ублажают, Дево, множества же немощствующих излиянием милосердия Твоего благодать приемлют, и общницы бывше чудес Твоих, вопиют: Пречистая, благословенна еси.
И ныне: Источник еси умный, живоприемный и приснотекущий, струи жизни источивший человеком, даждь ми от воды Твоея, Дево, во изсушение моих согрешений и ороси, молюся, мой ум, сердце и помысл, едина всепетая и благословенная.
Песнь 8
Ирмос: Отроки благочестивыя в пещи Рождество Богородичо спасло есть, тогда убо образуемое, ныне же действуемое, вселенную всю воздвизает пети Тебе: Господа пойте, дела, и превозносите Его во вся веки.
Пресвятая Госпоже Богородице, услыши молитву раб Своих, молящихся Тебе.
Ужасу обдержащу иногда Российскую страну нашествием агарян, печали умножившейся людем Твоим, тогда, не на лук уповающе, ниже оружием спасаеми, но на Тя едину надеющеся, с рыданием моляхуся: виждь бед належание и востани, Богородице, в помощь нашу.
Пресвятая Госпоже Богородице, услыши молитву раб Своих, молящихся Тебе.
Обыдоша иногда, яко пси мнози, стадо Твое, Чистая, оскверниша жилище имене Твоего и совещаху на ны лукавная; мы же возведохом очи наши на икону Твою, да ущедриши ны; и разумеша языцы, яко Ты, Госпоже, с нами еси во вся веки.
Слава: Взбранная воевода явилася еси царствующаго града Москвы языки побеждающая, христолюбивое же воинство укрепляющая, военачальники силою Твоею препоясующая; темже Твоя торжествующе победительная, раби Твои, воспеваем Сына Твоего во вся веки.
И ныне: Богородице, теплая христианом предстательнице, приими моление недостойных раб Твоих, призри милостивно на немощи наша и всем полезная даруй, немощствующим исцеление, грешным спасение, вся бо можеши, Мати сущи Зиждителя всемилостивая.
Песнь 9
Ирмос: Всяк земнородный да взыграется, Духом просвещаемь, да торжествует же безплотных умов естество, почитающее священное торжество Богоматере, и да вопиет: радуйся, всеблаженная Богородице, Чистая Приснодево.
Пресвятая Госпоже Богородице, услыши молитву раб Своих, молящихся Тебе.
Величит Тя душа моя, и радуется дух мой о Тебе, Мати Господа нашего, яко призрела еси на смирение раб Твоих, сильныя со престолов низложила еси, смиренныя вознесла еси и Россию всю Твоих даров исполнила еси.
Пресвятая Госпоже Богородице, услыши молитву раб Своих, молящихся Тебе.
Се ныне ублажаем Тя, вси народи великороссийстии, Дево, с нами бо величие сотворила еси и славу Твою показала еси всем языком; свято имя Твое, Богородице, велия и неизреченная милость Твоя на всех призывающих Тя.
Слава: Восприят ны от падения нашего Господь, помянув милость Свою от века, и древняя чудеса отец наших обнови нам, чадом их, иконою Твоею, Богомати; еюже хвалимся, спасшиися, и живота неразрушимаго наследие приемлем.
И ныне: Богородице Владычице, Приснодево, неложно спребывати с нами обещавшая до скончания века, испроси нам на будущем Суде Сына Твоего деснаго Ему предстояния верою и любовию Тебе поющих, умильно припадающих и со страхом тепле молящихся.
Спаси от бед рабы Твоя, Богородице, яко вси по Бозе к Тебе прибегаем, яко нерушимей стене и предстательству (поклон).
Канон Пресвятой Богородице в честь иконы Ее Донской
![](http://pravznak.msk.ru/uploads_user/3000/2500/80377.jpg)
Празднование 19 августа/ 1 сентября
Тропарь, глас 4-й
Всепетая и всеславная Царице Богородице, Мати всея Твари Содетеля, христианская надеждо и заступнице, ненадеющимся и отчаявшимся скорое надеяние, молим Тя: милостива буди нам, грешным, не остави раб Твоих и не отрини моления недостойных. Молимся, взирающе ко образу Твоему честному святыя и чудотворныя иконы Твоея и вопиюще: с плавающими и путешествующими да пребудет милость Твоя. О Владычице, ризою Твоею честною защити, и во всяких местех злых верныя соблюди, и молися к Рождшемуся из Тебе Христу Богу нашему, да спасет от грех души наша (дважды).
Канон, глас 4-й
Песнь 1
Ирмос: Отверзу уста моя, и наполнятся Духа, и слово отрыгну Царице Матери, и явлюся, светло торжествуя, и воспою, радуяся, Тоя чудеса.
Припев: Пресвятая Госпоже Богородице, услыши молитву раб Своих, молящихся Тебе.
Откуду начну похвалы или кое положу начало нынешняго песнопения Царице Матери? Недоумением содержуся, обаче, языку умолкшу, вся кости моя рекут Тоя преславная чудеса.
Пресвятая Госпоже Богородице, услыши молитву раб Своих, молящихся Тебе.
Милосердия ради Бог Человек бывает, Имже и преестественная вся содеяшася; тем, Дево, и наше приими с любовию приносимое песнопение, воспевающих Твоя преславная чудеса.
Слава: Гряди к славословию, небо, и радуйся, земле, свет бо велий возсия на вы от лица Матере Господни, освящаяй и просвещаяй всю тварь преславными чудесы.
И ныне: Собираются пред иконою Твоею, Богородице, чинове святых невидимо, предстоят же и ангельская вся воинства, трепетно благоговеюще. Приими же с ними и нас, воспевающих радостно чудеса Твоя.
Песнь 3
Ирмос: Твоя песнословцы, Богородице, живый и независтный источниче, лик себе совокупльшия, духовно утверди, в Божественней Твоей славе, венцев славы сподоби.
Пресвятая Госпоже Богородице, услыши молитву раб Своих, молящихся Тебе.
Из начала великая о Тебе прообразоваше и в последняя преславная совершаше от всех родов предызбравый в Матерь Себе Тебе Владыка, Чистая.
Пресвятая Госпоже Богородице, услыши молитву раб Своих, молящихся Тебе.
Синайская гора, огнепалимая иногда, и разделяющияся воды Чермнаго моря, егда наставляхуся людие, супостатом потопляемым, точию быша проображение, Чистая, чудес Твоих.
Слава: Пламенем купины в Синаи и росою пещи халдейсткия Девы рождество прообразивый, из Неяже воплотитися благоизволи, спасаяй тварь премудростию, Иисусе, и закон и пророки исполняя.
И ныне: Радуйся, храме Господень, радуйся, кивоте, радуйся, стамно, радуйся, горо приосененная, радуйся, лествице и двере небесная, пророки проповеданная, и всея святыни вместилище и носило, Пречистая.
Господи, помилуй (трижды). Слава, и ныне.
Ипакои, глас 8-й
Блажим Тя, вси роди, Богородице Дево, в Тя бо невместимый Христос Бог наш вместитися благоволи. Блажени есмы и мы, предстательство Тя имуще, день бо и нощь молишися о нас, и роди христианстии Твоими молитвами утверждаются. Тем, воспевающе, вопием Ти: радуйся, Благодатная, Господь с Тобою.
Песнь 4
Ирмос: Седяй в славе на Престоле Божества во облаце легце, прииде Иисус Пребожественный нетленною дланию и спасе зовущия: слава, Христе, силе Твоей.
Пресвятая Госпоже Богородице, услыши молитву раб Своих, молящихся Тебе.
Седяй на Престоле славы Царствия Твоего, Царю высокий, от смиреннаго естества земнородных престол свят Себе предуготовал еси, утробу Девы Матере. Слава неизреченному Твоему совету.
Пресвятая Госпоже Богородице, услыши молитву раб Своих, молящихся Тебе.
Превознесеннаго именем паче всякаго имене, Егоже всяк язык исповедает, Божию Силу и Премудрость, Единороднаго Сына в славе Бога Отца, Дево, плотию родила еси, Бога и Человека.
Слава: Смирившаго Себе даже до рабия образа послушанием Богу Отцу и даже до страстей и Креста преклонившагося, Того за ны смотрению, о Дево, и непостижимым тайнам послужила еси.
И ныне: Дает Тебе преестественная, Богородице, Иже паче естества Сын Твой, рождеством бо Твоим от тли яко воззва человечество, и ныне Тобою призывает люди отриновенныя, во язык избранный и именитый по всей земли.
Песнь 5
Ирмос: Ужасошася всяческая о Божественней славе Твоей: Ты бо, неискусобрачная Дево, имела еси во утробе над всеми Бога и родила еси безлетнаго Сына, всем воспевающим Тя мир подавающая.
Пресвятая Госпоже Богородице, услыши молитву раб Своих, молящихся Тебе.
Блаженно чрево, носившее Тя, Спасе, и честнейшая воистинну сосца, воздоившая Тя, нас ради младенствовавшаго. Темже молим Тя: слышащим слово Твое и хранящим е блаженство уготови безконечное Рождшия Тя молитвами.
Пресвятая Госпоже Богородице, услыши молитву раб Своих, молящихся Тебе.
Марие Преблагословенная, благую истинно часть избрала еси и едина Благодатная явилася еси. В Тебе Отец благоволи, Слово всевиновное в Тя вселися, и Дух осени Святый, пребываеши нетленная и нам, любовию поющим Тя, спасение подавающая.
Слава: Единородный Сын Божий, снизшедый на землю за человеколюбие избавити человечество, единое на земли покоище обрет Тя, Чистую и Пренепорочную, вселитися и жити в Тебе благоволи, освятив, украсив и прославив. И нас ходатайствы Твоими храмы чистыя Тому, Богородице, соделай.
И ныне: Храме всеосвященный Бога нашего, в храме Твоем ныне торжествующая, Богоневесто, с высоты призри и осени Божественною иконою Твоею, верою кланяющияся ей освящающи: с нею бо Твоя благодать во веки пребывает, спасительная всем подающи.
Песнь 6
Ирмос: Божественное сие и всечестное совершающе празднество, богомудрии, Богоматере, приидите, руками восплещим, от Нея рождшагося Бога славим.
Пресвятая Госпоже Богородице, услыши молитву раб Своих, молящихся Тебе. Праздник празднуем, празднолюбцы, Девы и Богоматере, благодаряще за велие милосердие Ея, и в нас действуемая преславная чудеса прославим.
Пресвятая Госпоже Богородице, услыши молитву раб Своих, молящихся Тебе.
Благодарственная приносим Тебе, Дево, и молимся: да не оскудеет вера чтущих Тя, и да не похвалятся врази, глаголюще: где есть Бог их? Твоя бо чудесная икона и всесвятая помощь с нами есть.
Слава: Устнами воспеваем Тя, умом же и языком моление приносим и сердца с колены преклоняем пред чудотворным образом Твоим, Пречистая, да милость Твою низпослеши на град и люди Твоя.
И ныне: Ты еси пророков главизна, Ты еси святых похвала, Богоотроковице, и всех христиан упование, к Тебе прибегающе, спасаемся, уповающе же, не посрамимся, Тобою бо хвалится, Богородице, всякое дыхание.
Господи, помилуй (трижды). Слава, и ныне.
Кондак, глас 2-й
В небесныя обители преселившаяся с плотию, сущия на земли никакоже оставила еси, Богородице, образ Божественный и многочудесный пречистаго лица Твоего зрети любящим Тя и покланятися даровала еси, яко знамение Твоея благодати, чтим его лобызающе.
Икос
Являющи человеком Пречистая неизглаголаннаго Своего милосердия сокровище, любящим Ю независтныя дары подавает, благословение, и молитвы, и мир, всяк ум превосходящий. И еже преславное от пречистыя Своея иконы, яко от источника, источает миру оставления воды, в Божественнейшем Ея храме. Тамо бо очи Ея отверсте день и нощь и уши, внемлющии молитве всех. Сего ради покланяемся сей всечестней иконе и чтим ю, лобызающе.
Песнь 7
Ирмос: Не послужиша твари Богомудрии паче Создавшаго, но огненное прещение мужески поправше, радовахуся поюще: препетый отцев Господь и Бог, благословен еси.
Пресвятая Госпоже Богородице, услыши молитву раб Своих, молящихся Тебе.
Тварь вся празднует, и стихии Тебе повинуются, Матери всяческих Содетеля, радуются Ангели в Божественнем торжестве Твоем, мы же из Тебе Рождшемуся зовем: препетый отцев Боже, благословен еси.
Пресвятая Госпоже Богородице, услыши молитву раб Своих, молящихся Тебе.
Дивная чудеса, Благая, слышана сотворила еси по всей земли, мы же, благолепие красоты Твоея от Сиона зряще, доброте дивимся и из Тебе Рождшемуся зовем: препетый Боже, благословен еси.
Слава: Монашествующих собори наставницу Тя ублажают, Дево, множества же немощствующих излиянием милосердия Твоего благодать приемлют, и общницы бывше чудес Твоих, вопиют: Пречистая, благословенна еси.
И ныне: Источник еси умный, живоприемный и приснотекущий, струи жизни источивший человеком, даждь ми от воды Твоея, Дево, во изсушение моих согрешений и ороси, молюся, мой ум, сердце и помысл, едина всепетая и благословенная.
Песнь 8
Ирмос: Отроки благочестивыя в пещи Рождество Богородичо спасло есть, тогда убо образуемое, ныне же действуемое, вселенную всю воздвизает пети Тебе: Господа пойте, дела, и превозносите Его во вся веки.
Пресвятая Госпоже Богородице, услыши молитву раб Своих, молящихся Тебе.
Ужасу обдержащу иногда Российскую страну нашествием агарян, печали умножившейся людем Твоим, тогда, не на лук уповающе, ниже оружием спасаеми, но на Тя едину надеющеся, с рыданием моляхуся: виждь бед належание и востани, Богородице, в помощь нашу.
Пресвятая Госпоже Богородице, услыши молитву раб Своих, молящихся Тебе.
Обыдоша иногда, яко пси мнози, стадо Твое, Чистая, оскверниша жилище имене Твоего и совещаху на ны лукавная; мы же возведохом очи наши на икону Твою, да ущедриши ны; и разумеша языцы, яко Ты, Госпоже, с нами еси во вся веки.
Слава: Взбранная воевода явилася еси царствующаго града Москвы языки побеждающая, христолюбивое же воинство укрепляющая, военачальники силою Твоею препоясующая; темже Твоя торжествующе победительная, раби Твои, воспеваем Сына Твоего во вся веки.
И ныне: Богородице, теплая христианом предстательнице, приими моление недостойных раб Твоих, призри милостивно на немощи наша и всем полезная даруй, немощствующим исцеление, грешным спасение, вся бо можеши, Мати сущи Зиждителя всемилостивая.
Песнь 9
Ирмос: Всяк земнородный да взыграется, Духом просвещаемь, да торжествует же безплотных умов естество, почитающее священное торжество Богоматере, и да вопиет: радуйся, всеблаженная Богородице, Чистая Приснодево.
Пресвятая Госпоже Богородице, услыши молитву раб Своих, молящихся Тебе.
Величит Тя душа моя, и радуется дух мой о Тебе, Мати Господа нашего, яко призрела еси на смирение раб Твоих, сильныя со престолов низложила еси, смиренныя вознесла еси и Россию всю Твоих даров исполнила еси.
Пресвятая Госпоже Богородице, услыши молитву раб Своих, молящихся Тебе.
Се ныне ублажаем Тя, вси народи великороссийстии, Дево, с нами бо величие сотворила еси и славу Твою показала еси всем языком; свято имя Твое, Богородице, велия и неизреченная милость Твоя на всех призывающих Тя.
Слава: Восприят ны от падения нашего Господь, помянув милость Свою от века, и древняя чудеса отец наших обнови нам, чадом их, иконою Твоею, Богомати; еюже хвалимся, спасшиися, и живота неразрушимаго наследие приемлем.
И ныне: Богородице Владычице, Приснодево, неложно спребывати с нами обещавшая до скончания века, испроси нам на будущем Суде Сына Твоего деснаго Ему предстояния верою и любовию Тебе поющих, умильно припадающих и со страхом тепле молящихся.
Спаси от бед рабы Твоя, Богородице, яко вси по Бозе к Тебе прибегаем, яко нерушимей стене и предстательству (поклон).
|
|