Богослужебные тексты, службы (видео и текст)
» АКАФИСТ ПОКАЯННЫЙ
к Дискуссиям
|
ОДНО ИЗ РЕДКИХ ПОКАЯННЫХ МОЛИТВОСЛОВИЙ, СОСТАВЛЕННОЕ МИТРОПОЛИТОМ САНКТ-ПЕТЕРБУРГСКИМ И ЛАДОЖСКИМ ИОАННОМ (СНЫЧЕВЫМ).
АКАФИСТ ПОКАЯННЫЙ, НА ОСНОВЕ ВЕЛИКОГО КАНОНА ПРЕПОДОБНОГО АНДРЕЯ КРИТСКОГО. КОНДАК 1 ВОЗБРАННЫЙ ВОЕВОДО И ГОСПОДИ,РАДОСТЕ КАЮЩИХСЯ РАБОВ ТВОИХ,К ТЕБЕ АЗ,ГРЕШНЫЙ,В ПОКАЯНИИ ПРИБЕГАЮ.ПРИИМИ МЯ,ОТЧЕ,КАЮЩАГОСЯ,НЕ ОТРИНИ СЛЕЗ МОИХ И ВОЗДЫХАНИЙ СЕРДЕЧНЫХ И НЕ ПРИЗРИ ВО УМИЛЕНИИ ТЕБЕ ЗОВУЩАГО: МИЛОСТИВЕ,ПОМИЛУЙ МЯ ПАДШАГО. ИКОС 1 АДАМУ ПЕРВОЗДАННОМУ ПОРЕВНОВАХ В ПРЕСТУПЛЕНИИ,РАЗОРИХ ЗАПОВЕДИ БОГА МОЕГО,ДУШУ БО И ТЕЛО ОСКВЕРНИХ ДЕЯНЬМИ ЛЮТЫМИ.ОТКУДУ ЖЕ НАЧНУ ПЛАКАТИ СКВЕРНОЕ СВОЕ ЖИТИЕ?КОЕ ЖЕ ПОЛОЖУ НАЧАЛО НЫНЕШНЕМУ РЫДАНИЮ?НО ПРИИДИ,ОКАЯННАЯ МОЯ ДУШЕ,С ПЛОТИЮ ТВОЕЮ,ИСПОВЕДАЙСЯ СОЗДАТЕЛЮ ВСЕХ И ВОЗОПИЙ ЕМУ СО СЛЕЗАМИ: МИЛОСТИВЕ,ВОЗЗРИ НА МЯ ОКОМ ТВОИМ БЛАГОУТРОБНЫМ И ПРИИМИ МОЕ ТЕПЛОЕ ПОКАЯНИЕ. МИЛОСТИВЕ,СОГРЕШИХ АЗ ПАЧЕ ВСЕХ ЧЕЛОВЕК,ЕДИН АЗ СОГРЕШИХ ПРЕД ТОБОЮ,НО ТЫ ЯКО БОГ ПОМИЛУЙ СОЗДАНИЕ ТВОЕ. МИЛОСТИВЕ,ЯКО БЛУДНИЦА ПРОЛИВАЮ И АЗ СЛЕЗЫ,ПОМИЛУЙ МЯ ПО БЛАГОСНИСХОЖДЕНИЮ ТВОЕМУ. МИЛОСТИВЕ,АЗ ОСКВЕРНИХ РИЗУ ПЛОТИ МОЕЯ И ОЧЕРНИХ В СЕБЕ СОЗДАННОЕ ПО ОБРАЗУ ТВОЕМУ И ПОДОБИЮ. МИЛОСТИВЕ,ПОМРАЧИХ АЗ ДУШУ МОЮ СТРАСТНЫМИ СЛАСТЬМИ И ВЕСЬ УМ СОДЕЯХ ПРАХОМ. МИЛОСТИВЕ,НАГ ЛЕЖУ ОТ ДОБРОДЕТЕЛЕЙ И СТЫЖДУСЯ. МИЛОСТИВЕ,ПОМИЛУЙ МЯ ПАДШАГО. КОНДАК 2 ВИЖДЬ,ДУШЕ МОЯ,ЯКО КОНЕЦ ПРИБЛИЖАЕТСЯ,БЛИЗ ПРИ ДВЕРЕХ СУДИЯ ЕСТЬ.ПРОБУДИСЯ,ПОМЫСЛИ О ДЕЛЕХ СВОИХ,ЯЖЕ СОДЕЯЛА ЕСИ,ПРЕДСТАВИ Я ПРЕД ОЧИ ТВОИ И ПРОЛЕЙ КАПЛИ СЛЕЗ;ПОВЕЖДЬ СО ДЕРЗНОВЕНИЕМ ДЕЛА И ПОМЫШЛЕНИЯ ТВОИ ХРИСТУ И ВО УМИЛЕНИИ СЕРДЦА ВОЗОПИЙ ЕМУ:АЛЛИЛУИЯ. ИКОС 2 РАЗУМЕХ,СПАСИТЕЛЮ МОЙ,ЯКО НЕ БЫСТЬ В ЖИТИИ ГРЕХА,НИ ДЕЯНИЯ,НИ ЗЛА,КОИМИ НЕ СОГРЕШИХ УМОМ,СЛОВОМ И ПРОИЗВОЛЕНИЕМ ПАЧЕ ВСЕХ ЧЕЛОВЕК.СОВЕСТЬ ОБЛИЧАЕТ МЯ,СОВЕСТЬ ОСУЖДАЕТ МЯ В ЗЛЫХ ДЕЛАХ МОИХ.НО О СУДИЕ,ИЗБАВИТЕЛЮ МОЙ И ВЕДЧЕ,ПОЩАДИ,ИЗБАВИ И СПАСИ МЯ,РАБА ТВОЕГО,ТЕБЕ ВОПИЮЩАГО: МИЛОСТИВЕ,СОГРЕШИХ,СОГРЕШИХ,ПРОДАВ ДУШУ СВОЮ ГРЕХОВНЫМ ОБЫЧАЕМ,ЯКОЖЕ БРАТЬЯ ИОСИФА. МИЛОСТИВЕ,ЯКО КАИН И АЗ ПРИНЕСОХ ЖЕРТВУ ПОРОЧНУЮ:ДЕЯНИЯ СКВЕРНАЯ И ЖИТИЕ НЕПОТРЕБНОЕ,ТЕМЖЕ И ОСУДИХСЯ. МИЛОСТИВЕ,ОТ ЮНОСТИ ЗАПОВЕДИ ТВОЯ ПРЕСТУПАХ,УНЫННО ЖИТИЕ ПРЕИДОХ,СПАСИ МЯ МИЛОСТИЮ ТВОЕЮ. МИЛОСТИВЕ,ЯКО БЛУДНЫЙ СЫН РАСТОЧИХ И АЗ БОГАТСТВО СВОЕ В БЛУДЕ И ГЛАДОМ ДУШЕВНЫМ ИСТАЯВАЮ,ТЕМЖЕ И ВОПИЮ ТИ:ЩЕДРЕ,ДУШУ МОЮ БЛАГОДАТИЕЮ ТВОЕЮ НАПИТАЙ. МИЛОСТИВЕ,ВЕСЬ УЯЗВИХСЯ ПОМЫШЛЕНЬМИ МОИМИ,ВЕСЬ ИСПОЛНИХСЯ РАН,ЯКО ВПАДЫЙ В РАЗБОЙНИКИ,НО ТЫ,ПРИШЕД,ИСЦЕЛИ МЯ. МИЛОСТИВЕ,ВНЕМЛИ СТЕНАНИЕМ ДУШИ МОЕЯ,ПРИИМИ СЛЕЗЫ ОЧЕЙ МОИХ И ОЧИСТИ МЯ,КАЮЩАГОСЯ. МИЛОСТИВЕ,ПОМИЛУЙ МЯ ПАДШАГО. КОНДАК 3 СИЛОЮ ТВОЕЮ,СПАСЕ,ИЗГНАН БЫСТЬ ДОСТОЙНО АДАМ ИЗ ЕДЕМА,ЯКО НЕ СОХРАНИВ ЕДИНУ ЗАПОВЕДЬ ТВОЮ;И СЕДЯШЕ СЕЙ ПРЯМО РАЯ,И СВОЮ НАГОТУ ГОРЬКО РЫДАЯ,ВОПИЯШЕ:"УВЫ МНЕ РАЮ,РАЮ МОЙ ПРЕКРАСНЫЙ!"АЗ ЖЕ,ЧТО ПОСТРАЖДУ,ГОСПОДИ МОЙ И БОЖЕ,ОТМЕТАЯ ВСЕГДА ЖИВОТВОРНАЯ ТВОЯ СЛОВЕСА?НО ДАЖДЬ МИ ВРЕМЯ,ДА ПЛАЧУСЯ ДЕЛ МОИХ ГОРЬКО И ТЕБЕ ВОСПОЮ:АЛЛИЛУЯ. ИКОС 3 ИМЕЯ ВО УМЕ МНОЖЕСТВО СОДЕЯННЫХ МНОЮ ЛЮТЫХ,ТРЕПЕЩУ ОКАЯННЫЙ.И ЧТО УБО СОТВОРЮ,ЕГДА ПРИИДЕТ ГОСПОДЬ СО ТЬМАМИ АНГЕЛ СУДИТИ ВСЕЛЕННЕЙ?УВЫ МНЕ,УВЫ!БОЖЕ ОТЦЕВ,ПРЕЖДЕ ДАЖЕ НЕ ЗАТВОРИШИ МИ ДВЕРИ ТВОЕГО МИЛОСЕРДИЯ,К ТЕБЕ ПРИБЕГАЮ,ЩЕДРЕ,И ВКУПЕ С ДАВИДОМ ВОПИЮ: МИЛОСТИВЕ,ВО ГРЕСЕХ РОЖДЕН БЫХ АЗ И ПРИЛОЖИХ К ЯЗВАМ СВОИМ ИНЫЯ РАНЫ,НО ПОМИЛУЙ МЯ,ОТЦЕВ БОЖЕ. МИЛОСТИВЕ,ЯКО ДАВИД СОГРЕШИХ ТЕБЕ И АЗ:УРАНИХ БО ДУШУ СВОЮ СТРЕЛОЮ ПРЕЛЮБОДЕЙСТВА,НО ЯКОЖЕ И ОН ВОПИЮ ТИ:ПОМИЛУЙ МЯ ПО МИЛОСТИ ТВОЕЙ. МИЛОСТИВЕ,ВОЗБУДИ УМ МОЙ КО ОБРАЩЕНИЮ,ПРИИМИ МЯ КАЮЩАГОСЯ,УМИЛОСЕРДИСЯ ВЗЫВАЮЩЕМУ:СОГРЕШИХ ТИ,СПАСИ. МИЛОСТИВЕ,НИ СТРАННИКА,НИ ПУТНИКА НЕ ВВЕДОХ АЗ ПОД КРОВ СВОЙ,ОТРИНУВ СОМАНИТЯНКИ БЛАГОЕ ПРОИЗВОЛЕНИЕ,ТЕМ ЖЕ И РЫДАЮ:НЕ ЛИШИ МЯ ТВОЕГО ЧЕРТОГА. МИЛОСТИВЕ,СРЕБРОЛЮБИЕМ ОДЕРЖИМ ЕСМЬ,ТЕМЖЕ,ЯКО ГИЕЗЕЙ,И ОСУЖДАЮСЯ. МИЛОСТИВЕ,ПРОИЗВОЛЕНИЕМ БЫХ УБИЙЦА СОВЕСТИ ДУШЕВНЕЙ,ВООРУЖАЯСЯ НА НЮ ЛУКАВЫМИ МОИМИ ДЕЯНЬМИ. МИЛОСТИВЕ,ПОМИЛУЙ МЯ ПАДШАГО. КОНДАК 4 БУРЯ ГРЕХОВ ОБЫДЕ МЯ И КТО ПРОСТРЕТ МИ РУКУ ПОМОЩИ,АЩЕ НЕ ТЫ,ВОЗСИЯВЫЙ ОТ ДЕВЫ,ИИСУСЕ.СПАСИ МЯ,ВОПИЮ ТИ,СПАСИ,ЯКО СПАСЛ ЕСИ ПЕТРА УТОПАВШАГО;ДА НЕ ПОТОПИТ МЕНЕ БУРЯ СТРАСТЕЙ.ПРИВЕДИ МЯ КО ПРИСТАНИЩУ БЕЗМЯТЕЖНОМУ,ДА С ЛЮБОВИЮ ВОСПОЮ ТИ:АЛЛИЛУЯ. ИКОС 4 СЛЫШАВ,ЯКО ОДОЖДИВ ИНОГДА ГОСПОДЬ ОГНЬ,ПОПАЛИ ЗЕМЛЮ СОДОМСКУЮ,-УВЫ!-ВОПИЮ.ДУШЕ,ВОССТАНИ!ДА НЕ ОПАЛИТ ТЕБЕ ОГНЬ ГЕЕНСКИЙ.БЕЖИ ЗАПАЛЕНИЯ,БЕЖИ ГОРЯЩАГО СОДОМА,БЕЖИ БОЖЕСТВЕННАГО ПЛАМЕНЕ,НА ГОРЕ СПАСАЙСЯ,ЯКОЖЕ ЛОТ,ВЗЫВАЮЩИ К БОГУ: МИЛОСТИВЕ,АЩЕ И СОГРЕШИХ,НО ВЕМ,ЯКО ЧЕЛОВЕКОЛЮБЕЦ ЕСИ,НАКАЗУЕШИ МИЛОСТИВНО И МИЛОСЕРДСТВУЕШИ ТЕПЛЕ,И ПОСПЕШАЕШИ,ЯКО ОТЕЦ,ПРИЗЫВАЯ БЛУДНАГО. МИЛОСТИВЕ,РИЗУ СКВЕРНУЮ ИСТКА МИ ГРЕХ ВО ОБЛАЧЕНИЕ МОИХ САМОВЛАСТНЫХ СТРАСТЕЙ,ОБНАЖИВ МЯ ПЕРВЫЯ БОГОТКАННЫЯ ОДЕЖДЫ. МИЛОСТИВЕ,ПРИЛЕПИХСЯ АЗ ВЕЩЕМ ЗЕМНЫМ И ТЯЖКИМ БРЕМЕНЕМ ОБЛОЖЕН ЕСМЬ. МИЛОСТИВЕ,УКРАСИХ АЗ КУМИР ПЛОТИ МОЕЯ ОДЕЯНИЕМ СКВЕРНЫХ ПОМЫСЛОВ,ПРЕЗРЕВ ВНУТРЕННЮЮ БОГООБРАЗНУЮ СКИНИЮ. МИЛОСТИВЕ,ПОГРЕБОХ СТРАСТЬМИ ПЕРВАГО ОБРАЗА КРАСОТУ,ЮЖЕ,ЯКО НЕКОГДА ДРАХМУ,ВЗЫСКАВ,ОБРЯЩИ. МИЛОСТИВЕ,СОГРЕШИХ,ВЗЫВАЮ ТИ,ЯКО БЛУДНИЦА:ЕДИН АЗ СОГРЕШИХ ПРЕД ТОБОЮ,НО ПРИИМИ,ЯКО ОНЫЯ,И МОЯ СЛЕЗЫ. МИЛОСТИВЕ,ПОМИЛУЙ МЯ ПАДШАГО. КОНДАК 5 БОГОТОЧНУЮ КРОВЬ,ТЫ,СПАСЕ,ИЗЛИЛ ЕСИ НА КРЕСТЕ,ДА ОМЫЕШИ МЯ;ДУХ ПРЕДАЛ ЕСИ,ДА МЯ ПРИВЕДЕШИ ТВОЕМУ РОДИТЕЛЮ;ЕДЕМ ЗАТВОРЕННЫЙ ОТВЕРЗЕСЯ,ВСЯ ТВАРЬ И ВСИ ЯЗЫЦЫ СПАСЕНИИ ПОКЛОНЯЮТСЯ ТЕБЕ И ВОСПЕВАЮТ ПРИСНО:АЛЛИЛУЯ. ИКОС 5 ВИДИТЕ,ВИДИТЕ,ЯКО АЗ ЕСМЬ БОГ:ВНЕМЛИ,ДУШЕ МОЯ,ГОСПОДУ ВОПИЮЩУ,УДАЛИЛИСЯ ПРЕЖНЯГО ГРЕХА И УБОЙСЯ ГОСПОДА,ЯКО ПРАВЕДНАГО СУДИЮ И БОГА.ОБРАТИСЯ,ПОКАЙСЯ,ОТКРЫЙ СОКРОВЕННАЯ,ПРИПАДИ К НЕБУ,ЯКО БЛУДНЫЙ СЫН СО СЛЕЗАМИ И,БИЯ В ПЕРСИ,ГЛАГОЛИ БОГУ ВСЯ ВЕДУШЕМУ: МИЛОСТИВЕ,ИЗРАНЕН И ИЗЪЯЗВЛЕН ЕСМЬ АЗ:СЕ СТРЕЛЫ ВРАГА ПРОНЗОША ДУШУ И ТЕЛО,ТЕМЖЕ И ПРИБЕГОХ К ТЕБЕ СО СЛЕЗАМИ. МИЛОСТИВЕ,ЯКО МЫТАРЬ ВОПИЮ ТИ:ОЧИСТИ,ОЧИСТИ МЯ,НИКТОЖЕ БО ОТ СУЩИХ ИЗ АДАМА,ЯКОЖЕ АЗ,СОГРЕШИХ ТЕБЕ. МИЛОСТИВЕ,ВОЗЬМИ ТЯЖКОЕ БРЕМЯ ГРЕХОВ МОИХ И ОСТАВИ МИ ПРЕГРЕШЕНИЯ. МИЛОСТИВЕ,ВОЛЬНАЯ МОЯ И НЕВОЛЬНАЯ СОГРЕШЕНИЯ,ЯВНАЯ И ТАЙНАЯ,ВЕДОМАЯ И НЕВЕДОМАЯ ПРОСТИВ,СПАСИ МЯ. МИЛОСТИВЕ,БУРЯ СТРАСТЕЙ ПОТОПЛЯЕТ МЯ,И НЕСТЬ МИ СПАСЕНИЯ,НО ПРОСТРИ И МНЕ ТВОЮ РУКУ,ЯКО ПЕТРОВИ. МИЛОСТИВЕ,НЕ ЗАТВОРИ ДВЕРИ МИЛОСЕРДИЯ ТВОЕГО В ДЕНЬ СУДНЫЙ,НО ОТВЕРЗИ Я КАЮШЕМУСЯ ТЕБЕ ГОРЦЕ. МИЛОСТИВЕ,ПОМИЛУЙ МЯ ПАДШАГО. КОНДАК 6 ПУСТЫННОЛЮБНАЯ ГОРЛИЦА,ГЛАС ВОПИЮЩАГО,ХРИСТОВ СВЕТИЛЬНИК ПРЕДТЕЧА ВСЕМ ВОЗГЛАСИЛ ЛЮДЕМ:ПОКАЙТЕСЯ И ПРЕДОЧИСТИТЕСЯ,ИУДЕЯ ЖЕ ВСЯ И САМАРИЯ СЛЫШАВШЕ ТЕЧАХУ И ИСПОВЕДАХУ ГРЕХИ СВОЯ.ТЕЦЫ УБО И ТЫ,ДУШЕ МОЯ,К ИСТОЧНИКУ ЖИЗНИ,ДА НЕ УВЯЗНЕШИ В БЕЗЗАКОННЫЯ СЕТИ,ОБЛОБЫЗАЙ УБО ПОКАЯНИЕ И ВОСПОЙ ХРИСТУ:АЛЛИЛУЯ. ИКОС 6 ВОНМИ НЕБО,И ВОЗГЛАГОЛЮ:ЗЕМЛЕ ВНУШИ ГЛАС КАЮЩИЙСЯ К БОГУ.КТО БО ОТ ЧЕЛОВЕК СОГРЕШИ ТАКО,ЯКО ЖЕ АЗ:УМ УРАНЕН,БОЛЕЗНУЕТ ТЕЛО,НЕМОЩСТВУЕТ ДУХ,УМНОЖИЩАСЯ СТРУПЫ.ВРАЧУ БЛАГОДАТНЫЙ,ПРЕЖДЕ ДАЖЕ ДО КОНЦА НЕ ПОГИБНУ,СПАСИ МЯ,ТАКО ТЕБЕ ВОПИЮЩАГО: МИЛОСТИВЕ,ТЫ ЕСИ БОГ,ИСПЫТУЯЙ СЕРДЦА,ИСТЯЗУЯЙ НАМЕРЕНИЯ И ИЗОБЛИЧАЯ ДЕЯНИЯ,ПОПАЛИ ТЕРНИЕ ГРЕХОВ МОИХ И ЯВИ МЯ ЧИСТА ПРЕД ТОБОЮ. МИЛОСТИВЕ,ТЫ ЕСИ ПАСТЫРЬ ДОБРЫЙ,ВЗЫЩИ МЕНЕ,ЯКО ОВЧА,В ТЕРНИИ ГРЕХОВ ПОГИБАЮЩЕЕ. МИЛОСТИВЕ,ТЫ ЕСИ МОЙ СОЗДАТЕЛЬ,ТОБОЮ,СПАСЕ,ОПРАВДАЮСЯ. МИЛОСТИВЕ,ТЫ ЕСИ ЖИЗНИ ИСТОЧНИК,ИСТОЧИ ДУШЕ МОЕЙ ЖИЗНЬ,ОЖИВОТВОРИ Ю,ДОНДЕЖЕ НЕ ПОСТИГНЕТ МЯ КОНЧИНА. МИЛОСТИВЕ,ПОДОБНИК БЫХ ТЕМ,ИЖЕ ПРИ НОЕ ГРЕХИ СОТВОРИША,ТЕМЖЕ,ЯКОЖЕ ОНЫЯ В ВОДАХ ПОТОПА ПОГРУЖАЮСЯ. МИЛОСТИВЕ,НЕ ПОКРЫХ АЗ БЛИЖНЯГО СРАМОТЫ,СОВЕСТЬ ОСКВЕРНИХ НАГЛЫМ ЯЗЫКОВЕЩАНИЕМ,УПОДОБИХСЯ СИМ ХАМУ ОТЦЕУБИЙЦЕ. МИЛОСТИВЕ,ПОМИЛУЙ МЯ ПАДШАГО. КОНДАК 7 ХОТЯЙ ВСЕМ СПАСТИСЯ И В РАЗУМ ИСТИНЫ ПРИЙТИ,ТЫ СЫНЕ БОЖИЙ,СНИЗШЕЛ ЕСИ НА ЗЕМЛЮ ВОЧЕЛОВЕЧИТИСЯ,И ПРИЗВАВ К ПОКАЯНИЮ РАЗБОЙНИКИ И БЛУДНИЦЫ,ОТВЕРЗЛ ДВЕРИ ЦАРСТВИЯ ВСЕМ КАЮЩИМСЯ.ПОКАЯНИЯ ДВЕРИ И МНЕ ОТВЕРЗИ,ЖИЗНОДАВЧЕ,К ТЕБЕ БО УТРЕННЮЮ И ТЕБЕ ВОПИЮ:АЛЛИЛУЯ. ИКОС 7 ДИВНОЕ ПОКАЯНИЕ БОГУ ПРИНЕСОША НИНЕВИТЯНЕ,ЕГДА ИОНА ПРОРОК ВОЗГЛАСИ ИМ О ПОГИБЕЛИ ИХ;СИИ БО ОБЛЕКОШАСЯ ВО ВРЕТИЩА И ПЕПЛОМ ГЛАВЫ СВОИ ПОСЫПАША И ПЛАЧ ВЕЛИЙ СОТВОРИША,ГЛАГОЛЮЩЕ:ДА ОТВРАТИТ ГОСПОДЬ ГНЕВ СВОЙ ПРАВЕДНЫЙ.ВОСПЛАЧИ УБО И ТЫ,ДУШЕ МОЯ,ВОЗСТЕНИ К БОГУ,ЯКО НИНЕВИТЯНЕ И ТАКО ГЛАГОЛИ: МИЛОСТИВЕ,ИЗГНАН БЕ ИЗМАИЛ,ЯКО ПОРОЖДЕНИЕ РАБЫНИНО,ДА НЕ ПОСТИГНЕТ УБО И МЯ СИЕ ЛЮБОСТРАСТИЯ МОЕГО РАДИ. МИЛОСТИВЕ,ВОЛЕЮ РАБОЛЕПСТВОВАХ АЗ ГРЕХУ И,ЯКОЖЕ АГАРЬ,ПОРОДИХ НОВАГО ИЗМАИЛА-ДЕРЗОСТЬ. МИЛОСТИВЕ,НЕ ОТРИНИ МОЛЕНИЯ ВОСПЕВАЮЩИХ ТЯ И ПРОСЯЩИМ С ВЕРОЮ ПРОЩЕНИЕ ДАРУЙ. МИЛОСТИВЕ,ПОМИЛУЙ,ВОПИЮ ТИ,ПОМИЛУЙ МЯ,ЕГДА ПРИИДЕШИ СО АНГЕЛЫ КОЕМУЖДО ПО ДОСТОЯНИЮ ДЕЯНИЙ. МИЛОСТИВЕ,НЕ ПРЕЗРИ СОЗДАНИЯ СВОЕГО,АЩЕ И СОГРЕШИХ ПАЧЕ ВСЕХ ЧЕЛОВЕК.ТЫ ЕСИ ГОСПОДЬ ВСЕЛЕННЫЯ,АЗ ЖЕ ЕСТЬ ПЕРСТЬ,И ВО ТВОЕЙ ЕСТЬ ВЛАСТИ ОТПУСТИТИ ГРЕХИ МОЯ. МИЛОСТИВЕ,АЩЕ И ОСКВЕРНИХ ДУШУ И ТЕЛО,НО ТЫ,СПАСИТЕЛЮ МОЙ,ОЧИСТИ,ОМЫЙ,СОДЕЛАЙ МЯ БЕЛЕЕ,ПАЧЕ НЕЖЕЛИ СНЕГ. МИЛОСТИВЕ,ПОМИЛУЙ МЯ ПАДШАГО. КОНДАК 8 СТРАННА ТЕБЕ СЕБЕ СОТВОРИХ,ИИСУСЕ,ПРЕДПОЧТОХ БО КЛАДЕЗИ ХАНАНЕЙСКИХ ПОМЫСЛОВ ПАЧЕ КАМЕНЕ ТВОЕГО С ИСТОЧНИКОМ ПРЕМУДРОСТИ,И СВИНАЯ МЯСА ПАЧЕ ПИЩИ НЕБЕСНЫЯ,ТЕМЖЕ,ЯКО БЛУДНЫЙ СЫН ГЛАДОМ ИСТАЯВАЮ,НЕ РАЗУМЕЯ ПЕТИ:АЛЛИЛУИЯ. ИКОС 8 ВЕСЬ АЗ УЯЗВИХСЯ ПОМЫШЛЕНЬМИ МОИМИ,И ИСПОЛНИХСЯ РАН,ЯКО ВПАДЫЙ В РАЗБОЙНИКИ;И ВИДЯ МЯ,СВЯЩЕННИК МИМО ИДЕ,И ЛЕВИТ ТАКОЖДЕ,УЗРЕВ ЛЕЖАЩА В БЕДЕ,ПРЕЗРЕ.НО ТЫ САМ,ХРИСТЕ ВОЗЛЕЙ ЕЛЕЙ И ВИНО НА МЯ,ТАКО ТЕБЕ ВОПИЮЩАГО: МИЛОСТИВЕ,ДА БУДЕТ МИ КУПЕЛЬЮ ОЧИЩЕНИЯ-КРОВЬ ТВОЯ И ВОДА,ИСТЕКШАЯ ИЗ РЕБЕР ТВОИХ,ПИТИЕМ ОТРАДЫ:ЖИВИ МЯ СОБОЮ. МИЛОСТИВЕ,ЯКО ФАРИСЕЙ ГОРЖУСЯ,И ЯКОЖЕ ОНЫЙ ДЕРЗОСТЬ ПРЕД ТОБОЮ СОТВОРЯЮ,НО УБИЙ ВО МНЕ ГРЕХ И СЕРДЦЕ СМИРЕННО МИ ДАРУЙ. МИЛОСТИВЕ,ВЕМ,ЯКО СОГРЕШИХ ПРЕД ТОБОЮ,НО КАЙСЯ АЗ:ПРИИМИ МЯ,ИСПОВЕДАЮСЯ-ВОЗСТАВИ,ДА НЕ БУДУ СТЯЖАНИЕ,НИ СНЕДЬ ВРАГА.САМ УМИЛОСЕРДИСЯ НАДО МНОЮ. МИЛОСТИВЕ,НЕ ПОСЛУШАХ ГЛАСА ТВОЕГО,НИ ПИСАНИЮ ТВОЕМУ ПОКАРЯХСЯ,ТЕМЖЕ И НАГ ПРЕДСТОЮ ПРЕД ТОБОЮ. МИЛОСТИВЕ,НОЩЬ ГРЕХА БЫСТЬ МИ ТЬМА И ГЛУБОКИЙ МРАК,НО ТЫ,СПАСИТЕЛЮ,СЫНОМ ДНЕ МЯ СОДЕЛАЙ. МИЛОСТИВЕ,УВЫ МНЕ,ЯКО УМ ОСКВЕРНИХ НЕЧИСТОТОЮ,НО МОЛЮ БЛАГОСТЬ ТВОЮ,ОМЫЙ МЯ В КУПЕЛИ СЛЕЗ МОИХ И ЯКО СНЕГ УБЕЛИ ОДЕЖДУ ПЛОТИ МОЕЯ. МИЛОСТИВЕ,ПОМИЛУЙ МЯ ПАДШАГО. КОНДАК 9 ВЕТХАГО ЗАВЕТА ВСЯ ПРИВОЖДУ ТИ,ДУШЕ МОЯ,К ПОДОБИЮ;ПОДРАЖАЙ ПРАВЕДНЫХ БОГОЛЮБИВАЯ ДЕЯНИЯ,ИЗБЕГНИ ЖЕ ПАКИ ЛУКАВЫХ ГРЕХОВ,ДА ПОЩАДИТ ТЯ ХРИСТОС В ДЕНЬ СУДНЫЙ И ДА СПОДОБИШИСЯ ВОСПЕТИ ЕМУ СО ВСЕМИ СВЯТЫМИ:АЛЛИЛУИЯ. ИКОС 9 ВЕТИЯ МНОГОВЕЩАННЫЯ НЕДОУМЕВАЮТ КИИМИ СЛОВЕСЫ К ПОКАЯНИЮ МЯ ПРОБУЖДАТИ:ОЖЕСТОЧИСЯ БО СЕРДЦЕ ВО МНЕ И НЕ ИМАМ СЛЕЗ,НИЖЕ ПЛАЧА.МИЛОСТИВЕ,ЩЕДРЕ,КОСНИСЯ СЕРДЦА МОЕГО БЛАГОСТИЮ СВОЕЮ И ДУХОМ ВЛАДЫЧНИМ УТВЕРДИ МЯ,ТУЧУ СЛЕЗ ПОШЛИ МИ,РАБУ ТВОЕМУ,ТЕБЕ МОЛЯЩЕМУСЯ: МИЛОСТИВЕ,ЯКО КРОВОТОЧИВАЯ,ПРИБЕГОХ К ТЕБЕ,ВОСКРИЛИЯ РИЗ ТВОИХ КАСАЯСЯ,РЦЫ И МНЕ,ЯКОЖЕ ОНОЙ:ВЕРА ТВОЯ СПАСЕ ТЯ. МИЛОСТИВЕ,ИСТОЧИ МИ СТРУИ ЖИВИТЕЛЬНЫЕ ИЗ ПРЕЧИСТЫХ ЖИЛ ТВОИХ,НАПОИ МЯ,ЯКО САМАРЯНКУ,ДА НЕ ВЖАЖДУСЯ ВО ВЕКИ. МИЛОСТИВЕ,ДА БУДУТ МИ СИЛОАМОМ СЛЕЗЫ МОИ,ДА ОМЫЮ ИМИ ЗЕНИЦЫ ДУШИ МОЕЯ И УМОМ УЗРЮ СВЕТ ТВОЙ ПРИСНОСУЩНЫЙ. МИЛОСТИВЕ,ПРИНОШУ ТЕБЕ СЛЕЗЫ ОЧИЮ МОЕЮ И ГЛУБОКАЯ ВОЗДЫХАНИЯ.ВОПИЕТ СЕРДЦЕ ВО МНЕ:БОЖЕ,СОГРЕШИХ ПРЕД ТОБОЮ,УМИЛОСЕРДИСЯ,ПРОСТИ. МИЛОСТИВЕ,ЯКО ДАФАН И АВИРОН,УДАЛИЛИСЯ ТЕБЕ ДУША МОЯ,ТЕМЖЕ И ЗОВУ ТИ:ПОЩАДИ,ДА НЕ ПОГЛОТИТ МЯ ЗЕМЛЯ ЯКОЖЕ ОНЫХ. МИЛОСТИВЕ,ВОЛНЫ ГРЕХОВ МОИХ ПОКРЫША МЯ,ЯКОЖЕ ВСАДНИКИ ЕГИПЕТСКИЯ ЧЕРМНОЕ МОРЕ,НО ВОЗЗОВИ МЯ ИЗ АДА ПРЕИСПОДНЯ И ИЗБАВИ ОТ ТЛЕНИЯ ЖИВОТ МОЙ. МИЛОСТИВЕ,ПОМИЛУЙ МЯ ПАДШАГО. КОНДАК 10 СПАСТИСЯ ХОТЯЙ БОЖЕСТВЕННАГО ПЛАМЕНИ,БЕЖА ЛОТ ИЗ СОДОМА,ЯКОЖЕ ПОВЕЛЕ ЕМУ ГОСПОДЬ.ДУШЕ МОЯ,АЩЕ И ТЫ ХОЩЕШИ СПАСТИСЯ,ПРАВЕДНОМУ ПОДРАЖАЙ,БЕЖИ ПЛАМЕНЕ ГРЕХА,БЕЖИ ЗАПАЛЕНИЯ,ВОЖДЕЛЕНИЕМ БЕЗУМНЫМ ВОЗЖЕННАГО,НЕ БУДИ СТОЛП СЛАНЫЙ,ВОЗРАТИВШИСЯ ВСПЯТЬ;ОБРАЗ ДА УСТРАШИТ ТЯ СОДОМСКИЙ,БОГУ ВОСПОЙ:АЛЛИЛУИЯ. ИКОС 10 ЦАРЮ СВЯТЫЙ,ВРЕМЯ ЖИТИЯ МОЕГО МАЛО ЕСТЬ И ИСПОЛНЕНО БОЛЕЗНЕЙ И ЛУКАВСТВА,НО В ПОКАЯНИИ МЯ ПРИИМИ И В РАЗУМ ПРИЗОВИ,ДА НЕ БУДУ СТЯЖАНИЕ,НИ БРАШНО ЧУЖДЕМУ,САМ МЯ УЩЕДРИ,ВОПИЮШАГО: МИЛОСТИВЕ,ТЫ ЕСИ ПРИСТАНИЩЕ НЕОБУРЕВАЕМОЕ,УСКОРИ И ИЗМИ МЯ ИЗ ГЛУБИНЫ ГРЕХА,ДА НЕ ОТЧАЯНИЯ ПОГЛОТИТ МЯ ОГНЬ. МИЛОСТИВЕ,АЗ ЕСМЬ ДРАХМА ПОГИБШАЯ,ВЗЫЩИ МЯ,ВОЗЖЗИ СВЕТ СВОЙ И ОБРЯЩИ СВОЙ ОБРАЗ. МИЛОСТИВЕ,ДАВИД УБО СУГУБО СОГРЕШИ,ОБАЧЕ ПЛАКАСЯ ГОРЬКО,АЗ ЖЕ ПАЧЕ СЕГО ЗЛО СОДЕЯВ,ПЛОДЫ НЕ ПРИНЕСОХ ТИ ПОКАЯНИЯ. МИЛОСТИВЕ,СОЛОМОН ИНОГДА ПРЕМУДРЫЙ ВОЗЛЮБИ РАСПУТНЫХ ЖЕН,ОТСТУПИ ОТ БОГА,СЕМУ ЖЕ АЗ ПОДРАЖАХ В ПОМЫСЛАХ ПОСТЫДНЫМ СЛАДОСТРАНСТВИЕМ. МИЛОСТИВЕ,УВЫ МНЕ!В МЕРЗОСТЕХ УПОДОБИХСЯ АЗ АХААВУ,ДУШУ БО СОДЕЯХ СВОЮ ОБИТАЛИЩЕМ ПЛОТСКИХ НЕЧИСТОТ И СОСУДОМ ГНУСНЫХ СТРАСТЕЙ. МИЛОСТИВЕ,ОЧЕРНИСЯ ВСЯ ДОБРОТА ВО МНЕ,И ОТ СТРАСТЕЙ СВЕТИЛЬНИК УГАСЕ,НО УМИЛОСЕРДИСЯ И ВОЗВРАТИ МИ,ЯКОЖЕ ПОЭТ ДАВИД,ВЕСЕЛИЕ. МИЛОСТИВЕ,ПОМИЛУЙ МЯ ПАДШАГО. КОНДАК 11 ПЕСНЬ ЧУДНУЮ ПРЕДПИСАНА ТИ ИНОГДА ДАВИД,ЕЮЖЕ ДЕЯНИЕ ОБЛИЧАЕТ,ЕЖЕ СОДЕЯ,ДА ТЫ,ДУШЕ МОЯ,ПОКАЕШИСЯ И ВОССТЕНЕШИ,ОСТАВИШИ ЗЛАЯ ДЕЛА СВОЯ,И ЯКОЖЕ ОН ВОЗГЛАСИШИ:ПОМИЛУЙ МЯ,ТЕБЕ БО ЕДИНОМУ СОГРЕШИХ ВСЕХ БОГУ,САМ ОЧИСТИ МЯ ПО МИЛОСТИ ТВОЕЙ;И ДА ВОЗМОЖЕШИ ЧИСТЫМ СЕРДЦЕМ ПЕТИ ЕМУ:АЛЛИЛУИЯ. ИКОС 11 СВЕТОДАВЧЕ ГОСПОДИ,НИЗПОСЛИ СВЕТ ТВОЙ И ПРОСВЕТИ СЕРДЦЕ МОЕ,ДУШУ МОЮ ОТ ВСЯКАГО ГРЕХА ОЧИСТИ,К ТЕБЕ БО,ЯКО ИОНА ВОПИЮ,СИЦЕ ГЛАГОЛЯ: МИЛОСТИВЕ,ИСЧЕЗАЮТ ДНИЕ МОИ,ЯКО СОНИЕ,ТЕМЖЕ И ПЛАЧУ,ЯКО ЕЗЕКИЯ НА ЛОЖЕ ПРИЛОЖИ МНЕ ЛЕТА ЖИВОТА,ДА ОМЫЮ СВОЯ СОГРЕШЕНИЯ. МИЛОСТИВЕ,ЯКО РАЗБОЙНИК ВОПИЮ:ПОМЯНИ МЯ!ЯКО ПЕТР ПЛАЧУ ГОРЦЕ,ЯКО МЫТАРЬ ВЗЫВАЮ:ПРОСТИ МЯ,СПАСИТЕЛЮ. МИЛОСТИВЕ,ЯКО БЛУДНИЦА ПРОЛИВАЮ СЛЕЗЫ,ПРИИМИ МОЕ РЫДАНИЕ,ЯКОЖЕ ИНОГДА ЖЕНЫ ХАНАНЕЙСКИЯ. МИЛОСТИВЕ,ТЫ ЕСИ ЕДИН ВРАЧ,УВРАЧУЙ ЯЗВЫ ДУШИ МОЕЯ,ВОЗЛОЖИ НА НЮ ПЛАСТЫРЬ,ВОЗЛЕЙ ЕЛЕЙ И ВИНО,И ДАРУЙ МИ УМИЛЕНИЕ И СЛЕЗЫ. МИЛОСТИВЕ,ЯКО КРОВОТОЧИВАЯ ПРИКАСАЮСЯ КРАЮ РИЗ ТВОИХ И ПЛАЧУ,ЯКО МАРФА И МАРИЯ НАД ЛАЗАРЕМ. МИЛОСТИВЕ,ИЗЛИВАЮ СЛЕЗЫ МОЯ ТЕБЕ,ЯКО СОСУД МИРА НА ГЛАВУ,ПРИНОШУ МОЛЕНИЕ МОЕ И ПРОШУ ПРОЩЕНИЕ МИ ДАРОВАТИ. МИЛОСТИВЕ,ПОМИЛУЙ МЯ ПАДШАГО. КОНДАК 12 БЛАГОДАТЬ ТВОЮ НЕ ОТЫМИ ОТ МЕНЕ,БЛАГИЙ ИИСУСЕ,АЩЕ БО И СОГРЕШИХ ПАЧЕ ВСЕХ ЧЕЛОВЕК;ТЫ ЕСИ БОГ МИЛОСЕРДНЫЙ,НЕ ХОЩЕШИ СМЕРТИ ГРЕШНИКА,ПРОЩАЕШИ КАЮЩИЕСЯ И ЗАБЛУДШИЯ ПРИЗЫВАЕШИ.ОСВЯТИ МЯ БЛАГОДАТИЕЮ СВОЕЮ,И ДУХ ПРАВЫЙ ОБНОВИ ВО УТРОБЕ МОЕЙ.ТЕБЕ БО В ПОКАЯНИИ ЗОВУ:АЛЛИЛУИЯ. ИКОС 12 ПЛАЧУ И РЫДАЮ,ГОСПОДИ,СОДЕЯННЫХ МНОЮ ЗЛЫХ И БЛАГОСТЬ ТВОЮ МОЛЮ:ПЛОДОВ ДОСТОЙНЫХ ПОКАЯНИЯ НЕ ИСТЯЖИ ОТ МЕНЕ,ИБО КРЕПОСТЬ МОЯ ВО МНЕ ОСКУДЕ:СЕРДЦЕ МНЕ ДАРУЙ ПРИСНО СОКРУШЕННОЕ,НИЩЕТУ ЖЕ ДУХОВНУЮ,ДА СИЯ ТЕБЕ ПРИНЕСУ,ЯКО ПРИЯТНУЮ ЖЕРТВУ.СПАСИ МЯ ТЕБЕ ВОПИЮЩАГО: МИЛОСТИВЕ,ВИЖДЬ СТРАХ МОЙ,ВИЖДЬ СОКРУШЕНИЕ ДУШИ МОЕЯ И ПРОЩЕНИЕ МИ ДАРУЙ. МИЛОСТИВЕ,ТЫ ЕСИ СУДИЯ МОЙ И БОГ,ДА ВНЕМЛЕТ СЕМУ ДУША МОЯ И ДА ОТСТУПИТ ОТ ВСЯКАГО ГРЕХА,ЯКОЖЕ ТЫ ПОВЕЛЕВАЕШИ. МИЛОСТИВЕ,НЕ ВНИДИ СО МНОЮ В СУД,НЕ ИСТЯЖИ МОЯ ДЕЯНИЯ,НО ПРИЗРИ,ЯКО ЩЕДР,МОЯ ЗЛОДЕЯНИЯ И СПАСИ МЯ,ВСЕСИЛЬНЕ. МИЛОСТИВЕ,ТЕБЕ ПРИПАДАЮ,СОГРЕШИХ ТИ,ОЧИСТИ,ВОЗЬМИ БРЕМЯ ОТ МЕНЕ ТЯЖКОЕ ГРЕХОВНОЕ,И ЯКО БЛАГОУТРОБЕН,ДАЖДЬ МИ СЛЕЗЫ УМИЛЕНИЯ. МИЛОСТИВЕ,ПОВЕДАХ ТИ ГРЕХИ,ЯЖЕ СОДЕЯХ,И ДУШИ,И ТЕЛЕСЕ МОЕГО ЯЗВЫ,ЯЖЕ ВНУТРЬ УБИЙСТВЕННИИ ПОМЫСЛЫ РАЗБОЙНИЧЕСКИ НА МЯ ВОЗЛОЖИША. МИЛОСТИВЕ,ПОВЕРЖЕНА МЯ ПРЕД ВРАТЫ ТВОИМИ ПОНЕ НА СТАРОСТЬ,НЕ НИЗРИНИ МЕНЕ ВО АД,ЯКО НЕПОТРЕБНАГО,НО ПРЕЖДЕ КОНЦА ДАЖДЬ МИ ОСТАВЛЕНИЕ ПРЕГРЕШЕНИЙ. МИЛОСТИВЕ,ПОМИЛУЙ МЯ ПАДШАГО. КОНДАК 13 О ПРЕБЛАГИЙ И ВСЕЩЕДРЫЙ ИИСУСЕ,ВСЯ ТАЙНАЯ СЕРДЦА МОЕГО И ВСЯ,ЯЖЕ СОДЕЯХ ОТ ЮНОСТИ МОЕЯ ДАЖЕ ДО ДНЕ СЕГО ИСПОВЕДАХ ТИ,СУДИИ МОЕМУ.ВИЖДЬ СТРАДАНИЕ МОЕ,ВИЖДЬ СКОРБЬ МОЮ И ВОНМИ СУДУ МОЕМУ НЫНЕ,И САМ МЯ ПОМИЛУЙ,ЯКО БЛАГОУТРОБЕН,ТЕБЕ ВОПИЮЩАГО:АЛЛИЛУИЯ. (СЕЙ КОНДАК ГЛАГОЛИ ТРИЖДЫ,А ПО СЕМ ЧТИ ИКОС 1 И КОНДАК 1). МОЛИТВА. ГОСПОДИ,ГОСПОДИ,СЕ ПРЕДСТОЮ ПРЕД ТОБОЮ,ЯКО БЛУДНЫЙ СЫН,ИСПОВЕДУЯ ГРЕХИ СВОЯ БЛАГОСТИ ТВОЕЙ.СОГРЕШИХ ТИ,СПАСИТЕЛЬ МОЙ,СОГРЕШИХ.ОТ ЮНОСТИ БО МОЕЯ ГРЕХ СОДЕЯХ И ОСКВЕРНИХ ДУШУ И ТЕЛО ДЕЯНЬМИ ЛЮТЫМИ. СОГРЕШИХ ТИ,ЯКОЖЕ АДАМ И ЕВА,ПРЕСТУПИВ ЗАПОВЕДИ ТВОЯ;СОГРЕШИХ,ЯКОЖЕ КАИН И ЯКО ВСИ ГРЕШНИЦЫ ВЕТХАГО И НОВАГО ЗАВЕТА. УМ ОЧЕРНИХ ПОМЫСЛЫ НЕПОДОБНЫМИ,СЕРДЦЕ ИСПОЛНИХ НЕЧИСТОТОЮ И ВСЯКИМ ГРЕХОВНЫМ ЧУВСТВОМ;ОСЛАБИХ ПРОИЗВОЛЕНИЕ ЛЕНОСТИЮ И СКЛОННОСТИЮ КО ГРЕХУ.ВЕСЬ ОБЛОЖЕН ЯЗВАМИ ГРЕХОВНЫМИ,ЯКОЖЕ ВПАДЫЙ В РАЗБОЙНИКИ;ВСЯ РАНЫ ДУШИ МОЕЯ ИСТОЧАЮТ ГНОЙ.КТО ИСЦЕЛИТ МЯ?ИЛИ КТО ВОССТАВИТ МЯ ИЗ ГЛУБИНЫ ГРЕХОВНАГО ЖИТИЯ,АЩЕ НЕ ТЫ,ВРАЧУ БЛАГОДАТНЫЙ?СЕГО РАДИ К ТЕБЕ ПРИБЕГОХ,ЦАРЮ МОЙ И БОГ МОЙ,СЛЕЗНО МОЛЯСЯ.УВРАЧУЙ И ИСЦЕЛИ МЯ,УМ МОЙ ОЧИСТИ ОТ НЕПОТРЕБНЫХ ПОМЫСЛОВ,СВОБОДИ СЕРДЦЕ ОТ НЕЧИСТОТЫ ГРЕХОВНЫЯ,ДА ВОЗМОГУ ЧИСТЫМ СЕРДЦЕМ И УМОМ СЛАВИТИ ТЯ,СОЗДАТЕЛЯ МОЕГО И БОГА.ПРОИЗВОЛЕНИЕ ЖЕ УКРЕПИ НА ДЕЛА БЛАГАЯ,ВО ЕЖЕ ТОЧИЮ УГОДНАЯ ТЕБЕ ТВОРИТИ МИ.ПРОСТИ МИ ВСЯКОЕ СОГРЕШЕНИЕ ВОЛЬНОЕ И НЕВОЛЬНОЕ,И ВСЯ,ЯЖЕ В ВЕДЕНИИ И В НЕВЕДЕНИИ СОДЕЛАННАЯ МНОЮ.ТЫ ВЕСЬ ЕСИ БЛАГОСТЬ И ВЕСЬ ЛЮБОВЬ,И ИМАШИ ВЛАСТЬ ОТПУЩАТИ ГРЕХИ,И ТЕБЕ СЛАВУ ВОЗСЫЛАЕМ СО ОТЦЕМ И СВЯТЫМ ДУХОМ,НЫНЕ И ПРИСНО И ВО ВЕКИ ВЕКОВ. АМИНЬ. СТИХИРА ПОКАЯННАЯ ОКТОИХА ГЛАС 4 ДАЖДЬ МИ УМИЛЕНИЕ И ЗЛЫХ ОТЧУЖДЕНИЕ,И СОВЕРШЕННОЕ ИСПРАВЛЕНИЕ,В СТРАСТЕХ ТЕЛЕСНЫХ НЫНЕ ПОГРУЖЕННОМУ,И УДАЛЕННОМУ ОТ ТЕБЕ,БОЖЕ ВСЕХ ЦАРЮ,И НИКАКОЖЕ НАДЕЖДУ ИМУЩА,СПАСИ МЯ БЛУДНАГО,МНОГИЯ РАДИ БЛАГОСТИ,ИИСУСЕ ВСЕСИЛЬНЕ,СПАСЕ ДУШ НАШИХ. , |
|
|
|
|
|
|
