Святитель Иоанн Златоуст о матерном слове.

Не подобает, братие, православным христианам матерью ругатися во брани, понеже есть Мати Божия Пресвятая Дева Мария роди Господа Бога и Спаса нашего Иисуса Христа, юже (которую) познахом Госпожу заступницу и молебницу нашу, всякому человеку в скорбех покровительницу и спасение душам нашим.

Вторая мати всем человеком, от нея же родихомся и познахом свет сей и от сосец ея воздоихомся, сия мати человека, яко труды и болезни понесе, всякую нечистоту нашу приняла, обмыв и обвив, воспитала нас и одея.

Третья мати наша земля: от нея же первый человек Адам от Бога сотворен, от нея кормимся, пищи и одежды приемлем, во нюже (в неё же) и паки возвратимся, во гроб вселясь. Аще который человек в который день избранится матерно, в тот день у того человека уста кровию закипаются, горят пеною, и паром скверным смрад исходит из уст его: и тому человеку, аще не раскается, не подобает в церковь Божию внити, ни Евангелия целовати и икон святых, и креста, и причастия давать. Того человека, не удержавшагося от проклятого слова матернаго, Ангел хранитель плачется, а диавол радуется.

Сего ради, братие и сестры, молю вас, не бранитеся матерно, удерживайте язык свой, своим бо самовольством от Бога удалихомся злаго ради и не подобнаго слова, за скудность ума вашего, в матерное слово вводите человека. Писано бо есть во святом Евангелии: «яко всяко слово праздное, еже аще рекут человецы, воздадят о нем слово в день судный» (Мф. 12, 36).

Егда (когда) кто матерными словами ругается, тогда у престола Господня Мати Божия данный Ею молитвенный покров от человека того отнимает и Сама отступает, и который человек матерно избранится, себя в той день проклятию подвергнет, понеже матерь свою ругает и горько ее оскорбляет. С тем человеком не подобает нам ясти и пити, аще не отстанет от онаго матернаго слова.

За срамословие Бог попущает на человека беды, напасти и многия болезни. Сего ради, братие и сестры, отстанем от злаго обычая поганых человек и послушаем Святаго Апостола Павла, глаголющаго сице (так): «Всяко слово гнило да не исходит из уст ваших» (в Посл, к Ефесянам, 4, 29), но паче Иисусову молитву («Господи, Иисусе Христе, Сыне Божий, помилуй мя, грешнаго») восприимем, и вечныя муки избавлены будем во веки веков. Аминь.