Молитва Божией Матери
Пред иконой «Прибавление ума»
Богородица Пречистая, Доме, Его же созда Себе Премудрость Божия, даров духовных подательнице, от мира к премирным ум наш возводящая и всех к познанию разума приводящая! Приими молебное пение от нас, недостойных раб Твоих, с верою и умилением преклоняющихся пред пречистым образом Твоим.
Умоли Сына Твоего и Бога нашего, де дарует властям нашим мудрость и силу, судиям правду и нелицеприятие, пастырям мудрость духовную, ревность и бдение о душах наших, наставником смиренномудрие, чадом послушание, всем же нам дух разума и благочестия, дух смирения и кротости, дух чистоты и правды.
И ныне, Всепетая наша Мати, подай нам ума прибавление, умири, соедини во вражде и разделении сущия и положу им соуз любве неразрешимой, всех заблудших от неразумия к свету истины Христовы обрати, страху Божию, воздержанию и трудолюбию настави, слово премудрости и душеполезное знание просящим даруй, осени нас вечною радостию, Херувимов честнейши и Серафимов славнейши сущая.
Мы же дивные дела и многоразумную премудрость Божию в мире и жизни нашей видяще, устранимся земные суеты и излишних попечений, и ум, и сердце наша на Небеса возведем, яко да Твоим заступлением и помощию славу, хвалу, благодарение и поклонение за вся в Троице славимому Богу и всех Создателю возсылаем, ныне и присно и во веки веков. Аминь.

На этой фотографии: